Nuna Mineralsip akuersissutigisimasai qinnutigineqarsinnaanngortut
Ujarlersinnaanermut akuersissutinut qinnuteqaatit tiguneqartut qinnuteqartitsinermi periusaasut nalinginnaasut aallaavigalugit suliarineqassasut Naalakkersuisut tusagassiuutinut allaaseraat, sumiiffiit annikitsumik aatsitassarsiornermi ingerlatatut kiisalu nalinginnaasumik aatsitassarsiornermik ingerlatatut taakkununnga ilaallutik.
NunaMinerals A/S-ip akiliisinnaajunnaarnerata Kalaallit Nunaanni Eqqartuussivimmit siorna novembarimi nalunaarutigineqareersorlu NunaMineralsip akuersissutai tamanut maanna ammaateqqinneqarput.
Periutsit nalinginnaasut naapertorlugit akuersissutinik piginnittup akuersissutimi nutaanut akuersissuteqalersussanut tunniussinissamut periarfissaqartoq Naalakkersuisut nittartagaanni allassimavoq.
- NunaMinerals A/S-ip akiliisinnaajunnaaqqasup akuersissutip ataatsip nutaanut akuersissummik piginnnilersussamut tunniunnissaa qinnuteqaatigaa. Ujarlernissamut akuersissut kujataani Nanortallip avannaata kitaani Vagarimi inissisimavoq. Naalakkersuisut nittartakkaminni taama ilaatigut allaaserisaqarput.
