Nuna Minerals A/S misissuiffissamik taamaatitsisoq

NunaMinerals A/S-ip sumiiffinni arfineq-pingasuni misissueqqissaarfigisassatut kisermaassilluni akuersissuteqarfigisami ilaat ataaseq taamaatiinnarniarlugu aalajangersimavoq.

Allatut oqaatigalugu tassa akuersissut ataaseq Aatsitassanut Ikummatissanullu Pisortaqarfimmut utertippaat. Matumani pineqartoq tassaavoq akuersissut Qeqertarsuatsiaat kujataani Allumersaniittoq 79 km2–itut annertutigisoq, NunaMinerals ullumi taama nalunaaruteqarpoq.

Tamatumunnga pissutaavoq 2006-imi misissueqqissaarneq nutaamik paasissutissiisimanngimmat taamaattumillu NunaMinerals naliliivoq, misissueqqissaarneq ingerlateqqissallugu imminut akilersinnaanngitsoq.

Akuersissutinik taamaatitsiinnartarneq misissueqqissaartarnerup ilagiinnarpaa. Aatsitassanik ujaasisarnermi nalinginnaasuuvoq misissueqqissaarnerit 10.000-iugaangata ataatsip piiaaffinngorsinnaasarnera.

Suliffeqarfik maanna arfineq-marlunnik kisermaassilluni misissuinissamut akuersissutinik peqarpoq, taakkununnga ilaalluni pilersaarut pingaarnerpaaq Nuup Kangerluani Qeqertarsuarmiittoq.

NunaMinerals A/S 1998-imi pilersinneqarpoq suliffeqarfiullu nunatsinni kuultisiorfik siulleq, Nalunaq Gold Mine, 17,5 procentimik piginneqataaffigaa.