Nuna Minerals iluatsilluaqqippoq
Lønmodtagernes Dyrtidsfondi 17,9 procentimik piginneqataalermat piginneqatigiissutit tamarmiusut 42,7 million koruuninik amerlassuseqalerput.
- Qaammatit aqqaneq-marluk ingerlanerini NunaMineralsimi piginneqatigiissutit amerlineqarsinnaaneri assut iluarisimaarnarpoq. Nuannersumik piginneqataasunut tuttussamik, NunaMinerals-ip siulersuisuni siulittaasoq Ove Rosing Olsen taama oqarpoq.
"Lønmodtagernes Dyrtidsfondip piginneqataalerneratigut piginneqatigiissutit amerlineqarput naleqarnerulerlutillu. Taamaalilluni ukiuni tulliuttuni NunaMineralsip guultimik aattitassanillu allanik ujaasinissaa periarfissaqarnerulerpoq. Arlalinnik pilersaaruteqarpugut, minnerunngitsumik Nuup Kangerluani Qeqertarsuarmi guultisiorneq piginneqatigiiffimmit maanna neriulluarfigineqarpoq. Piginneqatigiissutit amerlinerisa kingunerisaanik nunani tamalaani suleqatissarsiornerit nukittorsarneqarput. Aningaasaliisutsinnut nunatsinnilu inuussutissarsiornermut iluaqutaassapput," Ove Rosing Olsen taama oqarpoq.
