Nuna eqqissisimatitaq paarsisoqalerpoq
UNESCO-p Nunarsuarmiut Kingornuttagassaasa allattorsimaffianniinneq pisussaaffiliivoq. Takornariat amerliartuinnarput aammalu nunarsuarmioqatigiit Ilulissat Kangerluannik ilisimasaqaleraluttuinnarlutik. Taamaammat kangerluup paarilluarnissaa pisariaqaleriartorpoq.
Kangerlummik atuisunut pitsaasumik attaveqarnissaq oqaloqateqarluarnissarlu aamma malittarisassat malinneqarnersut qularnaarnissaa nakkutilliisup ilaatigut suliassarai.
Aamma Nunarsuarmiut kingornutassiami atortussiat aserfallatsaalinissaat isumagissallugit.
Nakkutilliisutut atorfinittoq, ukiuunerani qimussimik nakkutilliisartussaq, ilaatigut aalisartuusimavoq, kalaallisut, qallunaatut tuluttullu oqalussinnaasoq.