Nuna eqqissisimatitaq Nuup pilerigaa

Illoqqortoormiut Ammassallillu kommuniisa Nuummut kattutsinneqarnissaat Nuup kommunalbestyrelseanit ippassaq akuersissutigineqarpoq. Illoqqortoormiut Tasiilallu, taakkualu saniatigut Paamiut Ivittuullu kommuneqarfiisa, Nuummut kattutsinneqarnissaat pillugu Naalakkersuisunut nalunaaruteqarnermut atatillugu, Nuup kommunalbestyrelsea kissaateqarniarpoq. Siullertut Illoqqortoormiut avannaanni Tunup Avannaarsuani nunap eqqissisimatitaasup aqunneqarnerata Namminersornerullutik Oqartussaniit kommunemut tunniunneqarnissaa kissaatigineqassaaq, taavani avatangiisinik mingutsitsinaveersaarnermut suliamut akisussaajumaneq ilaatigut tunngavigineqarluni. Kissaatip tamatuma saniatigut Nuup kommunea allanik marlunnik kissaateqarpoq. Borgmester Agnethe Davidsen ima oqarpoq:

- Kommunalbestyrelsep piumasarisaa tassaavoq Nuup illoqarfittut Kalaallit Nunaanni pingaarnersatut inissisimanera attatiinnarneqassasoq, taavalu taassuma saniatigut, kommunalbestyrelsemut siornatigut aamma oqariartuutigisimasarput, kommunit killeqarfiit aamma nalilersorneqarnissaat aamma ilanngullugu allakkatigut taasussaavarput.