Assi: KNR

Nuna allanngutsaaliugaq UNESCO-p pilersaarutaata ilaannit ilaajunnaarsinneqartoq

Naalakkersuisut Nuna allanngutsaaliugaq UNESCO-p nunarsuarmi uumassusilinnut pisussanut pilersaarutaanit ilaajunnaarsippaat.

UNESCO-p Nunarsuarmi uummassusilinnut pisussanut pilersaarutaa ukiut ingerlaneranni allanngorsimavoq, taamaalillutik Naalakkersuisut isumaqarput nuna allanngutsaaliugaq pisussanut pilersaarummut naleqqukkunnaarsimasoq. Taamaattumik Naalakkersuisut aalajangerput sumiiffik ilaajunnaarsinniarlugu.

Tunngavissarititaasut ilaatigut tassaavoq, sumiiffimmi aalajangersimasumik najugaqartunik inoqassasoq, nunamili allanngutsaaliukkami taamaattoqarani.

Pinngortitamut, Avatangiisinut Ilisimatusarnermullu Naalakkersuisoqarfiup nunat allat nunarsuarmi uummassusilinnut sumiiffeqarfiusut qanimut oqaloqatigisimavai.

Naalakkersuisoqarfiullu paasivaa, sumiiffiit nunarsuarmi uumassusileqarfiusut allat tamarmik ullumikkut annikinnerujussuarmik annertussuseqartut aalajangersimasumillu najugaqartunik inoqarlutik.

Sumiiffik pineqartoq 1977-imiilli aamma UNESCO-p Nunarsuarmi uummassusilinnut pisussanut pilersaarutaata ataani nunarsuarmi uumassusillit sumiiffiattut aamma toqqarneqarsimavoq.

UNESCO-p Nunarsuarmi uummassusilinnut pisussanut pilersaarutaani ilaajunnaarneq nunap allanngutsaaliukkap eqqissisimatitatut inissisimaneranut sunniuteqassanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat