Nuliariit Clinton-ikkut aningaasaateqaqaat

USA-mi præsidentiusimasutut imminut taassalluni ajorpallaarunanngilaq. Tassami Bill Clinton nulialu Hillary Clinton Præsidentip Illorsua qimakkamikkuli 100 millioni dollarsit sinnerlugit, tassa 474 millioni koruunit nalinginik, iluanaaruteqarsimapput.
apriilip 05-at 2008 17:39

Uiusorlu iluanaaruteqarnerpaasimavoq- taassumami 51 millioni dollarsit pissarsiarisimavai. Nammineq inuunerminik atuakkiani 23 millioni dollarsinit ikinnerunngitsunik isertitsissutigisimavaa.

Ilaqutariit Clintonikkut aningaasaqarnerannut tunngasut Hillary Clintonip Demokratit sinnerlugit præsidentimut ippassaq unnukkut qineqqusaarnerani saqqummerpoq.