Nuliaq tuip qaanut pallortillugu oqilaniunneq

Illoqarfimmi Sonkajärvimi Finlandimiittumi, nuliaq amaasiaarlugu sapaatip akunnerani naanerani oqilaniuttoqartarpoq, nunarsuarmi pissartanngorniuulluni, Finlandimiut nutaarsiassaqartitsiviat, FNB, taama allappoq.

Oqilaniuffimmi sioqqat, asfalti, ivikkat aamma ujaraaqqanik qallersugaq ingerlaarfigineqarput. Oqaliniuffimmi pissittarissat marluk, assataq meterimik itissusilik imermik immerlugu qulaateriarneqassalluni.

Arpalluni oqilaniunnermi amaasimaagaq nuliarineqartariaqanngitsoq oqaatigineqarpoq, aammalu 18-it qaangerlugit ukioqassaaq minnerpaamillu 49 kiiluunik oqimaassusseqassalluni.

Oqilaniuttut marlukkaarlutik oqilaniuttarput. Amaasimaagarlu nakkaagaanni piffissaq 15 sekundinik ilaneqartarpoq.

Ukioq manna pissartanngorniunnermi aappariit 55-sit nunanit assigiinngitsuit 15-nit pisut peqataapput.

Ajugaasullugooq pissarsiarissavaat immiaaqqat amaasiaakkamik oqimaaqataat.

Nuliamik imaluunnit aamaasiaarluni oqilaniuttarnerit aallartipput, ujajaaniap Ronkainen-ip ilaasalu, nunaqarfinnit arnanik qimarngussisarnerisa oqaluttuarineqartarnerisa kingorna.