Nukkassaatitorsimasoq siulleq saqqummiunneqarpoq
Nukkassaat atorsimasaa tassaavoq tuaminoheptane, taannalu timersornerup iluani atoqqusaanngilaq, timersortartunilli unammiuaartoqartillugu inerteqqutaalluni, aviisip Politikenip nittartagaani tamanna atuarneqarsinnaavoq.
Svetlana Terenteva nassuiaavoq nuannini pissutigalugu nuakkunnaarniassagami nakorsaatitut taanna atorsimagini. Aamma oqarpoq nukkassaat taanna februaarip ulluisa pingajuannili atorunnaaramiuk timimini sunniusimajunnaarnissaa naatsorsuutigisimagaluarini.
Svetlana Terenteva sapaatiuppat februaarip ulluisa 14-ianni OL-imi peqataaqqaartussaavoq. Taamaammat Nunat tamalaat Olympiadeqartarneq pillugu isumalioqatigiissitaata, OIC-p, aalajangiuppaa Svetlana Terentevap OL-imut peqataajunnaaqqunissaa piumasarissallugu sakkortuvallaartoq.
Timersortartut 30-t nukkassaatitorsimasut ippassaq paasineqarpoq, taakkulu OL aallartippat peqataaqqusaanngillat. Taakku 30-t kikkuuneri pisortatigoortumik suli saqqummiunneqanngillat.
