Sisimiuni marlunngormat pikkorissaatigineqarpoq nukissiuutinik nalinginnaasuniit allaanerusunik atuisinnaanissamut tunngasut.
Pikkorissartitsineq ineriartortitsineq pillugu sullissivissamut marlunngorpat ammarneqartussamut atavoq.
Sarfannguani ilinniartitsisoq Jakob Nielsen Storch pikkorissarnermi peqataasimasoq oqaluttuarpoq.
- Pikkorissarnerup siunertarivaa nukissiutinik nalinginnaasumik atukkatsinnit allaanerusunik atuisinnaanissamut pisinnaanngorsarneq, soorlu; piffissami sivisuumi sivikinnerusumiluunniit seqernup nukimmik qanoq tunniussisinnaatigineranut uuttuutit atornissaat ilikkarpagut.
Pinngortitap nukingi atorlugit nukissiuutit nunani atorluarneqalersimasimapput, Jakob Nielsen Storch aperaarput meeqqanut atuartunut tamanna qanoq atorneqarsinnaanersoq.
- Paasisitsissutigisinnaavarput nukissiuutit nalinginnaasut soorlu solarimik petroliukkunnillu aallaavillit kisimik periarfissaanngitsut immaqalu akikinnerusumik atortoqarsinnaasugut.
Nunanut allani seqernup nukinga atugaallualereerpoq soorlu seqinermik kiassarsinnaaneq anorilu atorlugu nukimmik aallersinnaaneq atorneqarlutik.
- Ualeru fysikkilerutta meeqqanut perngaammik takutissavarput qanoq atorneqarsinnaanersoq, Jakob Nielsen Storch oqarpoq.
Oqarportaaq siunissami pinngortitap nukingi atorlugit nukissiutit ingerlalerpata akikinneerarsuarmik ingerlasoqarsinnaalissasoq.
- Takusinnaalerparput, nukissiuutit sungiusimasagut kisimik periarfissaanngitsut, siunissami akikinnerusunik pilersitsisinnaaneq paasivarput.
Pikkorissarneq ulloq ataasiinnaagaluartoq Jakob Nielsen Storchip iluarisimaarpaa.