Nukissiorfiliorfimmi ikuallattoq
Kangerluarsuk Ungallermi, Sisimiut avannaaniittumi, erngup nukissiuutiliorfiusumi ullaaq sakkortuumik ikuallattoqartoq, Sermitsiaq nittartakkamini allappoq.
Allattoq Elisa Isaksen
Ikuallanneq ima sakkortutigaaq, isumannaatsuunissamut pilersaarummi malinneqartussat, soorlu gassip puuisa dunkiusat assigisaasalu, annissorneqarnissaannik malitassat malinneqarsinnaanatik.
- Tamakkua annaanniarsimagaluarutsigik inuit inuunerannik ulorianartorsiortitsiinnarsimassagaluarpugut, ingeniør nukissiorfiliornermilu pisortaasoq, Gudmundur Thordarson, aviisimut oqarpoq.