Nukissiorfiit pisortaata Nuummi qamittooqqinnissaq naatsorsuutiginngikkaa
Nuummi aqquserngit sapaatip akunnerata siuliani unnukkut ullaakkullu taartuinnaapput.
Kabeli innaallagissap sakkortuup aqqutaa Utoqqarmiut Kangerluarsunnguaniittoq kittorarmat qamittoortoqarpoq, tamannalu Nukissiorfinnut ajonartorsiortitsilluni.
Kabeli tallimanngornikkut iluarsaanneqarallarpoq. Nukissiorfiit pisortaata oqarnera naapertorlugu iluarsaanneqarnera pitsaasuuvoq.
- Piareersimanissaq isumatsialaajuaannarpoq, kisianni anorersuartoqarnerani qamittooqqinnavianngitsugut nalilerparput. Siusinnerusumit qamittooriaannaaneruvugut, kisianni iluarsaassinerput una atuussinnaatiinnarniarparput, pisortaq oqarpoq, nangillunilu:
- Taamaammat uagut (Nuummi innuttaasut aaqq.) imermik dunkimik allanillu piareersimasuuteqartariaqarnata. Sapaatip akunnerata siuliani pisoq immikkut ittuuvoq.
Kabeli ullut 14-ikkaarlugit qulaavajartorneqartassasoq
Nukissiorfiit pisortaata kabelip iluarsaanneqarallarnera iluarsaativinneqarnissaata tungaanut, tassa aasap tungaanut immikkut ittumik nakkutigineqarnissaa pilersaarutigineqartoq oqaatigaa.
Nukissiorfinni nakkutilliisut nikinnerisa tamaasa kabelimi ajunnginnersoq qulakkeerniarlugu qulimiguulimmik qulaavaneqartassaaq.
- Aamma piffissap ingerlanerani sakkortuumik anorersuareeraanat ilisimasaqalereerniarluta qulimiguulimmik misissuiartortassaagut, Kaspar Mondrup oqarpoq.
Kaspar Mondrupip iluarsaassiartortussanit upernaamut kingusinnerpaamillu aasamut aallartitsinissaq naatsorsuutigaa.
Taamaaliornissarmi Utoqqarmiut Kangerluarsunnguanit nukissiorfiup qaminneqarnissaa pisariaqarpoq, tassungalu taarsiullugu Nukissiorfiit generatorit dieselitortut sisamat ajornartoornermi atorneqartartut atussavai.
Innaallannerup suna tamarmi aallarneraa
Taamaammat annikinnerpaamik ajornartorsiutaanissaa pissutigalugu innuttaasut innaallagiamik atuinnginnerulerneranni, qaammatini qaamaneruffiusuni iluarsaannissaa pitsaanerpaavoq.
- Ajoqutaasoq kabelit ilaannik ukuninnga qilutsitsisumik attuuttoornikkut qamittoorneq pisimasoq aamma paasilluarparput, Kaspar Mondrop oqarpoq, nangillunilu:
AAMMA ATUARUK Innaallagissamik pilersuinerup unittoortarnissaa Nukissiorfiit aasarli kalerrisaarutigereerpaat
- Saffiugassap siggeriaannanngorneranik pissuteqanngitsut takussutissaqarpoq. Kabelit anorersuarnerani atuuttoorneratigut innaallassimapput.
