Nukissiorfiit pisortaat tunuarpoq

- Ukiup pingasungajaat nukissiornermi pisortaanertut pissanganartumi piumasaqarfiusumilu sulisimavunga suleqatigisanik aamma sulisunik aallussilluartunik avatangiiseqarlunga. Allannguinerit annertuut aqqusaarsimavagut angusaqarsimallutalu tulluusimaarutigisannik. Nukissiorfinni maannakkut ingerlanneqartunik ingerlatseqqinnissaq siunissamullu ungasinnerusumut ineriartortitsineq aqutsisuusut sinnerinut toqqissisimallunga qimassinnaavara, Henrik Estrup oqarpoq.

Nukissiorfiit tusagassiuutinut allapput, Henrik Estrup suliffeqarfik NIUerpalaarnerusumik sullisserpalaarnerusumillu ingerlalernissaanit aqutsisuusimasoq.

Nukissiorfinni pisortatut atorfik maanna inuttassarsiorneqassaaq, tamatumalu kingorna atorfinitsitsinissami ataatsimiititaliaq Avatangiisinut Pinngortitamullu Naalakkersuisoqarfimmeersunik Nukissiorfinneersunillu ilaasortaqartoq pisortassamik toqqaassaaq.