- Ulluni arlalinni iluarsaassinissaq naatsorsuutigineqarpoq. Nukissiorfiit neriuutigaat atuisunut tamanna kinguneqassanngitsoq malunnaatilimmik, Nukissiorfiit allapput.Assi: Nukissiorfiit

Nukissiorfiit Nuummi ajornartoornermi innaallagissiorfik sisamanngorpat atulissagaat: Qamittoortoqaratarsinnaasoq

Nukissiorfiit Nuummi decembarimi qamittooqqangaatsiaqattaarnermut pissutaasoq tassa innaallagissap aqqutaa sisamanngorpamit ullualunni iluarsaanniarpaat.

Nukissiorfiit Nuummi Utoqqarmiut Kangerluarsunnguanit illoqarfiit pingaarnerpaanut innaallagissap aqqutaa sisamanngorpat iluarsaatilerniarpaat.

Nukissiorfiit Utoqqarmiut Kangerluarsunnguanit innaallagissap aqqutaa qaminniarlugu Nuummilu innaallagissiorfiit dieselitortut pilersuilerallassasut allappaat.

Nukissiorfiit Facebookimi ima allapput:

- Ulluni arlalinni iluarsaassinissaq naatsorsuutigineqarpoq. Nukissiorfiit neriuutigaat atuisunut tamanna kinguneqassanngitsoq malunnaatilimmik.

- Tamannali qamittoornermik kinguneqaratarsinnaavoq sivikitsunnguamik. Sila peqqutaalluni suliamik kinguartitsisoqarsinnaanera sillimaffigineqarpoq, tamannalu suliap kinguartoorneranik malitseqarsinnaavoq.

 

 

 

Nuummi qamittooqqangaatsiartoqaqattaarnera

Utoqqarmiut Kangerluarsunnguanit Nuummut innaallagissamik pilersuiffimmi kabeli siorna novembarip ulluisa 24-anni kittorarpoq. Tamatuma kingunerisaanik Nuummiut nalunaaqutaq 9.13-mit innaallagiaarupput. Tamatuma kingorna innaallagissamik pilersuineq qameqattaaginnavippoq, akunnerillu 18-it aatsaat qaangiummata ilaannakortumik innaallagiaqaqqilerluni.

Nukissiorfiit Utoqqarmiut Kangerluarsunnguani erngup nukinganik innaallagissiorfimmit unammillernartoqarnermi saniatigut nukissiorfiit illoqarfiit pingaarnersaanni ajornartoornermi innaallagissiorfimmik aamma ajornartorsiuteqarput.

AAMMA ATUARUK Nukissiorfiit pisortaata Nuummi qamittooqqinnissaq naatsorsuutiginngikkaa

Ajornartoornermimmi innaallagissiorfiup aallartinniarnera arriippallaarpoq. Tamatuma kingorna Nukissiorfiit kabelimut aserorsimasumut iluarsaassiartorput.

Nuuk erngup nukinganik nukissiorfimmit innaallagissamik tamakkiisumik aatsaat decembarip ulluisa pingajuanni pilersorneqaleqqippoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl