Uummannarmiut Nukissiorfiit Uummannami erngup mingutsinneqarsimanera pillugu innuttaasunik ataatsimiisitsimmata najuupput. Assi: Nukissiorfiit

Nukissiorfiit isumalluarput: Misissuinermi inernerusut ajunngillat

Uummannap annerpaartaani imeq uffarnermut, errorsinermut, erruinermut, anartarfinnik kuutsitsinermut eqqiaanermullu atorneqarsinnaanngortinneqarpoq.

Uummannami imeqarneq pillugu Nukissiorfiit innuttaasunik tallimassaanik ippassaq sisamanngornermi ataatsimiisitsimmata inuit 30-t missaannittut peqataapput.

Uummannami imeq uffarnermut, errorsinermut, erruinermut, anartarfinnik kuutsitsinermut eqqiaanermullu atorneqarsinnaanngortinneqarpoq. Sullittat imermik pajunneqartartut tankii imaariarlugit imermik imeqarfimmeersumik immerneqarput aamma misissugassaq misissorneqareerluni.

Sullittakkallu imermik pajunneqartartunit 109-usunit 64-it nakkutilliisutut oqartussanit akuerineqarput naatsorsuutigineqarporlu sinneri ulluni qaninnerni aamma taamatut nalunaarfigineqarnissaat.

Nukissiorfiit taama nalunaaruteqarpoq.

AAMMA ATUARUK Uummannaq: Imeq avataaneersoq mingoqarsimasoq

- Misissugassanik 407-inik misissuivugut, erngup aqqutani imeq 6.000 kubikmeteri missaaniittoq atorlugu salippavut, ilungersorluta erngup nalinginnaasunngortinneqarnissaa anguniarlugu sulivugut, nunap immikkoortuani pisortaq Lars Hoffmeyer oqarpoq.

Misissukkat inernerisa takutikkaat malunnaateqarluartumik pitsanngoriartortoqartoq imermik kuutsitsilluni errortuinerit amerlasuut kingunerisaannik, naak suliaq tamanna pisariugaluaqisoq. Taamaattumik erngup aqqutani suli kuutsitsivigisarlugit errortorneqarnerat ingerlanneqarpoq.

Nukissiorfiit Uummannami immikkoortortaani sulisup kukkuluttornermigut Uummannami imeq klorimik akuniarluni uuliamik akusooreeraalu Uummannami imeq uuliamik sapaatit akunnerini mingutsinneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat