Nukissiorfiit: Erngup mamaannera kianneranik pissuteqarpoq

Nuummi innuttaasut piffissami kingullermi erngup mamaannera naammagittaalliutigaat. Imerli peqqissutsimut uloriananngitsoq, Nukissiorfiit oqarput.
- Nukissiorfiit erngup tipeqarneranik ippinnartoqarnera aaqqinniarsarivaat, Nakkutilliisutut oqartussaasut ilisimatitsipput imeq imeqarfimmeersoq peqqissutsimut ajoqutaasinnaanngitsoq aamma nalinginnaasumik atorneqarsinnaasoq, Nukissiorfiit tusagassiuutinut nalunaarummi allapput.
Allattoq Malik Brøns
septembarip 03-at 2020 12:40

- Sullittakkat maannakkorpiaq Nuummi imeqarfimmit imermik pilersorneqartut misigivaat imeq allatut tipeqartoq. Tamanna piffissami ingerlareersumi silap kianneranik pissuteqarpoq.

Nukissiorfiit tusagassiuutinut nalunaarummi allapput.

Nuummi innuttaasut erngup kuuffianit imeraangamik mamaatsoortarnertik piffissami kingullermi naammagittaalliutigaat.

Nukissiorfiit erngup aqqutai misissorpaat tipinneralu peerniarsaralugu, imerli uloriananngilaq.

- Nukissiorfiit erngup tipeqarneranik ippinnartoqarnera aaqqinniarsarivaat, Nakkutilliisutut oqartussaasut ilisimatitsipput imeq imeqarfimmeersoq peqqissutsimut ajoqutaasinnaanngitsoq aamma nalinginnaasumik atorneqarsinnaasoq.