Nukappissat arsamik pissartanngorniunneranni semifinale sialuttaqalaavissoq
Nukappissat nunatsinni isikkamik arsarluni pissartanngorniunneranni, ataasinngormat Aasiaat arsaattarfiani aallartinneqartumi, sinerissamiillu timersoqatigiiffinniit tallimaasunit peqataaffigineqartumi, tallimanngornermi ajungaaniutivinnissamut taamaalilluni piareertoqarpoq.
Sisamanngormat semifinalimi ajungaasut kingulliit nalunaaqutaq qulaaluanngorluinnartoq naammassimmata T-41 Aasiaat aamma N-48 Ilulissat ajungaaniutivittussatut inissipput, bronzenanniunnerlu B-67 Nuuk aamma D-76 Qeqertarsuarmeersut unammissallutik.
Ukioq manna Grønlandsbankip nukappissani nunatsinni isikkamik arsarluni pissartanngorniuutsitsinerani anngussimasut semifinalereernerup kingorna imatut pointeqalerput:
N-48 Ilulissat,10 point.
T-41 Aasiaat, 9 point.
B-67 Nuuk, 7 point.
D-76 Qeqertarsuaq, 3 point.
UB-83 Upernavik, 0 point.
Ullumikkut bronzennanniunneq 14.30, finalelu 16.30 ingerlanneqassapput.