Politiit ullormut nalunaarutaat: Nukappiaraq ukiukitsoq Nuummi niviarsiaqqanit pingasunit nakuuserfigineqarpoq

Nukappiaqqap Nuummi Nuussuup atuarfiata silataani nakuuserfigineqarnera pillugu politiit takunnissimasunik attavigineqarusupput.

Allattoq Jonna Enoksen Dahl, Jaaku Lyberth

apriilip 21-at 2026 11:23

Kalaallit Nunaanni Politiit saaffigineqarput nukappiaraq 18-init inorlugit ukiulik Nuussuup atuarfiata eqqaani ullaassaq tallimap qeqqa qaangilaaraa nakuuserfigineqartoq. Kalaallit Nunaanni Politiit sillimasuisa pisortaat Malik Olesen KNR-imut taama oqaluttuarpoq.

- Pasisaqarpugut niviarsiaqqat (nakuusertut aaqq.) pingasut 18-init inorlugit ukiuliusut, kisianni suli kinaassusersinngilagut, Malik Olesen oqarpoq.

Persuttagaasoq ujajaaffigineqarsimavoq, persuttagaanermilu kingunerisaanik napparsimaviliaanneqarluni. Nukappiaraq ajoquserujussuarsimanersoq imaluunniit suli napparsimavimmi uninnganersoq, Kalaallit Nunaanni Politiit sillimasuisa pisortaa Malik Olesen paasissutissiisinnaanngilaq, suliaq suli ingerlammat.

Nuummi Nuussuup atuarfiata eqqaani ullaassaq persuttaaneq pillugu paasissutissaateqaruit, politiit 70 14 48-mut sianerfigisinnaavatit.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.