Nukappiaraq qimminit paaneqartoq
Nukappiaraq arfinilinnik ukiulik arfininngormat ualikkut Sisimiuni qimuttunit qulinit paaneqarsimavoq, AG-mi ullumi saqqummersumi allaaserineqarpoq.
Allattoq Louise M. Kleemann
Nukappiaraq meeqqallu allat Sisimiuni Aqqartartumi blokkip eqqaani pinnguartillugit qimmit qimuttut tungaannut aggersimapput nukappiararlu arfinilinnik ukiulik saassullugu.
Takunnittulli arlaqarallartillugit nukappiaraq ikiorneqalertorsimavoq, inuuneralu navianartorsiunngitsoq politiiniit oqaatigineqarpoq. Niaqqumigulli, timimigullu aammalu nissumigut kimmarneqarsimanerminik ikilerneqarsimalluni.
Qimmit qulit taakku tamarmik toqunneqarsimasut AG-mi allaaserineqarpoq.