- Tulluusimaarama toqqarneqarnikuungama, arfineq-pingasunik ukiulik Inooraq Heinrich Larsen oqarpoq.Assi: Privat

Nukappiaraq qaartitseqqaartoq: - Qoqilaarpunga

Nuummi mittarfiup tallilerneqarissaanut qaartitsineq siulleq ippassaq persuarsiutaasumik malunnartinneqarpoq. Qaartitsinerli siulleq sanasunik qaartitsinermut ilinniagalinnit pinngilaq. Toorsisormi arfineq-pingasuinnarnik ukioqarpoq.

- Inooraq saninni nikorfavoq. Tassaavoq taanna toorsisoq, qaartitsisoq. Nunatta siunissaani kinguaariit taakkua tullinnguummata tassani qaartitsinermi peqatigivarput, qaartitseqqaarnerup kinguninngua Naalakkersuisut siulittaasuat Kim Kielsen oqarpoq.
Inooraq Heinrich Larsen 3. klassimi atuartuvoq arfineq-pingasunik ukiulik, Nuummilu mittarfiliornissaq ukiuni sisamani sivisussuseqartussaq aallarnerpaa. Qaartitsisumullu nipituallaalaarsimavoq
- Qoqilaarpunga, Inooraq Heinrich Larsen oqarpoq.

AAMMA ATUARUK Qaartitseqqaarnermit assit

Misigisanilu ulluinnarsiutaanit allaaneruvoq, toortakkalli immikkuullarissumik aamma toorneqartussaapput:
- Toorakku, taava tooqqaannaaveriarlu taava aappaa saamik toorpara.
Qaartitseqqaartussanngorluni paasigamiuk 3. klassimi atuaqatini oqaluttuuppai:
- Tulluusimaarama toqqarneqarnikuungama.
Kim Kielsenip nammineerluni Inooraq piukkussimallugu angajoqqaavi attaveqarfigai:
- Toqqarneqarmat tupappugut taavalu tuulluusimaarluta taamatut toqqarneqarsinnaammat, Marianne H. Larsen oqarpoq.
Pisorlu persuarsiutigalugu nalliuttorsiussamaarput:
- Taekwondomi bronzennannikuummat aanaavata tikinnissaa utaqqivarput 
nalliuttorsiutiginiarlugu, Marianne H. Larsen oqarpoq.

AAMMA ATUARUK Video: Booom – mittarfimmillu sanaartorneq aallartinneqarpoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat