Nukappiaraq naamaarluni toqusoq

Nukappiaraq 13-nik ukiulik Qaqortumi benzinamik naamaarnermi kingorna toquvoq.
Allattoq Noah Mølgaard
juulip 19-at 2012 06:50

Qaqortumi politiit unnuaq nalunaarfigineqarput nukappiaraq 13-inik ukiulik Qaqortumi aalisakkeriviup ungasinngisaani benzinamik naamaarnermik kingorna toqungasoq nassaarineqarsimasoq, Oluf Biilmann politiinit taama nalunaarpoq.

Naamaarniartarneq Qaqortumi ajornartorsiutaaleriartorpoq. Taamaammat politiit umiatsiaatillit suliffeqarfiillu qinnuigaat benzina gassilu isumannaasumut inissittaqullugit. Angajoqqaat aamma kajumissaarneqarput qitornaminnut oqaaqqissaarussequllugit naammaarnerup ulorianarsinnaaneranik.

Tamannalu tassa nukappiaqqap 13-nik ukiullip unnuaq toqqutigaa.