Nukappiaraq kalaaleq 17-inik ukioqartoq Danmarkimi niaqqumigut aallaaneqartoq

Aallaasersortoq tassaavoq angut 50-inik ukioqartoq, taannalu inissiarsuarni inissiat quleriit aappaata aneerasaartarfianit nukappiaraq aallaasi,avaa, knallertiisa nipiliorneri tusaakatallugit. Ekstra Bladet taama allappoq.

Nukappiaqqap kammalaataata marluk kammalaatertik knallertinik uppittoq takusimavaat, uppinneralu ajutoornerunasorisimallugu. Aatsaallu niaqua nakorsanit skannerneqarmat paasineqarpoq amerlasooq kaliber 5,5 qarasaata iluaniittoq.

Angut 50-inik ukioqartoq Esbjergip Eqqartuussiviani sapaatit akunnerini sisamani tigummigallagassanngortinneqarpoq. Taanna eqqartuussivimmi nassuiaasinneqarami oqarpoq inuusuttuaqqat nipiliortut qimagutsinniarlugit knallertit eqqorniaraluarsimallugit, Syd- og Sønderjyllands politi taama ilisimatitsipput.

Nukappiaraq 17-inik ukioqartoq Odense Universitetshospitalimut nuunneqarpoq, amelasoorlu qaraasanit peerniarlugu maannamut pilanneqarsinnaasimanngilaq, aammalu suli perululluni.

Luftgeværimik sakkortuumik, matumani atorneqartup assinganik pigisaqassagaanni, Danmarkimi inatsisit malillugit aallaaniarnissamut allagartaqarnissaq piumasaqaataavoq.