Nukappiaraq ipilluni ajunaartoqarpoq
marsip 25-at 2005 13:21
Maniitsumi ippassaq ipilluni ajunaartoqarpoq. Maniitsumi politiit ilisimatitsipput nukappiaraq arfineq marlunnik ukiulik Maniitsup kangiata tungaani ippassaq unnukkut arfininngulersoq ipisimasoq nassaarineqartoq.
Nukappiaraq arfineq marlunnik ukiulik allanik ilaqarluni Maniitsup kangiata tungaani sivinganersakkut quasarluni sermeqarlunilu aputilikkut ingerlasimavoq, tassuunaartillunilu quaassimavoq imaanullu nakkarluni. Piniartup angallammik saneqqutilersup nukappiaraq sikumut qillussimasoq nassaarimavaa. Nukappiaraq napparsimmavimmut pissunneqarnermini toqoreersimavoq.
Maniitsumi taama ajunaartoqarneratigut, innuttaasut sissakkut sivingasukkut quasattukkullu kiisalu qaanngulimmi angalaarnissaannut Maniitsumi politiit mianersoqqussuteqarput.