Nukappiaraq 16-inik ukiulik maqaasineqartoq ajunngitsoq nassaarineqartoq
Nukappiaraq 16-inik ukiulik ujaarineqartutut arfininngornermi nalunaarutigineqartoq ajunngitsoq nassaarineqarpoq.
Nukappiaraq 16-inik ukiulik ujaarineqartoq ajunngitsoq nassaarineqartoq Kalaallit Nunaanni Politiit nalunaarutigaat.
Allattoq Mads Lynge
juunip 16-at 2024 12:04
Nukappiaraq 16-inik ukiulik Kalaallit Nunaanni Politiinit Ilulissat eqqaanni ippassaq ujaarineqartoq ajunngitsoq nassaarineqartoq politiit nalunaarutigaat.
Nukappiaraq ujaarineqartoq Ilulissat avannaanni ajunngitsoq nassaarineqartoq, qulimiguulimmillu Ilulissiaanneqartoq, Kalaallit Nunaanni Politiit pigaartuisa pisortaata Anette Ostenfeldtip ilisimatitsissutigaa.
Nukappiaraq Oqaatsunit kangimut unnuaq ataatsimut qiteqqutilersoq, nal. 00:28, nassaarineqarpoq.
Nukappiaqqap umiatsiaa Poca 570 inuttaqanngitsoq nassaarineqarmat ujaasisoqalerpoq.
Qanorpiaq pisoqarsimanersoq suli ilisimaneqanngilaq.
Ujaaseqataasut politiinit qutsavigineqarput, pingaartumik inuinnaat ujaaseqataasut qutsavigineqarlutik.
