Nukappiaqqat qasoqisut nassaarineqarput

Nukappiaqqat inuusuttut marluk 16-inik ukiullit arfininngormalli ujaarineqartut ajunngitsut nassaarineqarput.
aggustip 23-at 2017 17:16

16-inik ukiullit Ameralimmi Iterlammi eqqaanilu arfininngormat aggustip ulluisa 19-ianiilli ujaarineqartut ajunngitsut, qasoqisulli, nassaarineqartut, Nuummi Politiit nalunaarutigaat.

Ujaarineqartut Itinnerani ulloq unnuarlu angerlarsimaffik aqqutigalugu tammaarsimaarsimapput - ujaarineqartut Itinnerata eqqaani arfininngormat aggustip 19-ani unnukkut nalunaaqutaq qulinut qiteqqunnerata missaani Nuup tungaanukartut takuneqarlutik qimaasimasut politiit KNR-imut ilisimatitsissutigaat.

Nukappiaqqat Amerallip avannamut sineriaani ajunngitsut, qasoqisulli, nassaarineqartut politiit nalunaarutigaat.

AAMMA ATUARUK Inuusuttut marluk suli ujaarineqartut

Politiit ujaasinerminni innuttaasunit ikiorneqarnissartik kissaatigisimavaat, nukappiaqqalli maanna tassa ajunngitsut nassaarineqarput.

Air Greenlandip qulimiguuliutaa S-61 SAR ujaasinermut atorneqarpoq, upalungaarsimasuutitallu umiatsiaat Targa, taakkualu qulimiguuliaraataat ungasianiit aqunneqarsinnaasoq aamma atorneqarlutik.