Nukappiaqqat pingasut angallammik aallarussisut tigusarineqarput

Sapaatip akunnerata naanerani Nanortalimmi Paamiunilu politiit tillittunik tigusarinnipput.
decembarip 08-at 2008 11:44

Nukappiaqqat pingasut, 14-nik, 15-nik 16-nillu ukiullit, Alluitsup Paani angallammik aallarussillutik Nanortalimmut anngutereerlutik utimut aallalersut arfininngormat ullaakkut politiinit tigusarineqarput.

Taamalillutik nukappiaqqat pingasut akiligassinneqangaatsiarnissartik

ilimagissagaat Nanortalimmi politiit oqarput. Nukappiaqqat pingajuat 14-nik ukiulik Nanortalimmi inunnik isumaginnittoqarfimmut nalunaarutigineqarsimasoq, Nanortalimmi politiit pisortaat Niels Nyvang Nielsen oqarpoq.

Paamiuni politiit aamma arfininngornerup ullaassaani angut 20-nik ukiulik Royal Arctic Linep lagerianut immiaaqqanik karsinik 20-nik tillittutut politiinit tigusarineqarpoq, sapaatillu akunnerini sisamani tigummigallagassanngortinneqarluni.