Nukappiaqqat Kapisilinni eqqaassipput

Nukappiaqqat pingasut Kapisilinnut sukisaarsaariartut arlaannik isumaqatigiinngissuteqarlutik qoorortuuaqqamik timmiarsiummillu tilleriarlutik illuaraq alla angalaqatiminnik arlalinnik isersimasulik eqqaatilersimavaat.

Illuaqqami isersimasut ilaata Nuummi politiit nalunaaqutaq ataasinngunngitsiartoq kalerrimmagit nalunaaquttap akunnerata aappaata affaa qaangiummat qulimiguulimmik tikiupput. Kapisilinni kommunefogedeqanngilaq, inuilli illuaqqanut qanilleqqunagit qatserisartut assiaqutalersuisimapput. Meeqqat aallaasersortut sukkasuumik politiinit tigusarineqarput, Nuummukaanneqaramillu inunnik isumaginninnermut pisortanut tunniunneqarlutik.

Politiit pisortaanut tullersortip, Morten Nielsenip, inuit aallaasiminnik isumannaallisaasarnissaat piffissaq iluatsillugu kaammattuutigaa, soorlu aallaasip siluttaataa imassaalu sakkuusivimmiisittarnagit.