Nukappiaqqat eqqarlutik umiarsuaq eqqorpaat
Ilulissani nukappiaqqat aallaasersortut Qeqertarsuup Tunuani angallanermut aamma ajoqusiisimapput.
Disko Linep angallataataa ”Nanoq” ulluni sisamani politiinit tigummineqareerluni kiisami Disko Linemut utertinneqaqqippoq. Angallat ”Nanoq” nukappiaqqanit aallaasersortunit eqqorneqarsimavoq, taamaammallu sukumiinerusumik misissugassanngorlugu politiinit ulluni sisamani tigummineqarluni. ”Nanoq” sukumiisumik misissorniarlugu politiinit ippassaq qaqinneqarpoq ullumilu imaanut aqqaqqinneqassalluni.
Disko Linep pisortaa Ole Dorph oqarpoq, angallat ”Nanoq” aqqanermut qiteqqulluinnaraa singinneqartoq nalunaarfigineqarsimalluni.
”Nanoq” ulluni taakkunani assigiinngitsunit tallimanit attartorneqarnissaralua kiisalu Qeqertarsuarmut utimullu angalanissaralua annaasaqaatigineqartoq, tassa Disko Line allamik attartorluni Qeqertarsuarmukartariaqarsimammat.
