Nukappiaqqat Canadamiunut ajugaapput
Arctic Winter Gamesimi, Kalaallit Nunaat siullermeerluni ajugaammat nuannattunnguaqarpoq. Illup iluani arsaalluni unamminermi tamanna pivoq, nukappiaqqat Alberta Northimiunut unammimmata. Timersoqatigiit Kattuffiata nittartagaanni tamanna atuarneqarsinnaavoq.
marsip 08-at 2010 08:45
- Arsaattut muminneranni Kalaallit Nunaat aatsaat sukataalerpoq. Ado Løvstrøm 1-0-imik siuartitsivoq, Minik Willumsenilu ungasianiit isertitsimmat kalaallit 2-0-imik siuarput. Alberta ataaseraarmat pissanganarsigaluarpoq, Timersoqatigiit Kattuffiat nittartakkamini allappoq.
Unamminerup naammassinissaa minutsinik tallimanik sioqqullugu, Malik Leander isertitsivoq, 3-1-imik siuarlutik. Nukappissat taamaalillutik aallartilluaqaat.
- Unammiuaarnerit aallartinniariartut ajugaalluni nuanneqaaq tulluusimaarnarlunilu. Arsaattarfik sungiusimasatsinnit marloriaammik anneruvoq. Nukappissat sinnerlugit nuannaaqaanga, sungiusaasoq Kent Kielsen Timersoqatigiit Kattuffiata nittartagaani issuarneqarpoq.
