Nukappiaqqap ataatsimik ukiullip aneerasaartarfimmit nakkarnera pillugu eqqartuussineq inerneqartoq
Nunatsinni Eqqartuussisuuneqarfik suliami maanna aalajangiivoq, ingerlatseqatigiiffiillu Permagreen A/S aamma inissiaatileqatigiiffik Illuut A/S tamarmik immikkut 45.000 koruuninik akiligassinneqarput, Nunatsinni Politiit tusagassiorfinnut nalunaaruteqarlutik taama allapput.
Inissiarsuarni aneerasaartarfiit ungaluinik naammaginartumik isumannaallisaasimanngitsutut ingerlatseqatigiiffiit marluusut eqqartuunneqarput.
Inissiami nukappiaqqap ilaqutaatalu ineqarfigisaanni aneerasaartarfiup iikkallu akunnerata 16,6 centimeteriunera eqqartuussiviup eqqartuussutaani atuarneqarsinnaavoq.
Aamma atuaruk Meeraq aneerasaartarfimmit nakkartup ataataa qulaatiinnarneqartutut misigisimavoq
Aamma atuaruk Aneerasaartarfiit meeqqanut isumannaallisarneqaleruttorput
Aamma atuaruk Meeraq tupinnaannartumik aniguisoq angerlarpoq
- Eqqartuussiviup aalajangiinera piumasaqaatigisatsinnut naapertuuppoq, taamaammat unnerluussisussaatitaasut tungaannit eqqartuussut aamma suliap maanna inerneqarallarnera naammagisimaarparput, Nunatta Politiivini unnerluussisussaatitaasuneersoq Liselotte Bøhn taama oqarpoq.
Unnerluutigineqartut eqqartuussummik Nunatta Eqqartuussisuuneqarfianut suliassanngortitseqqiisinnaasut erseqqissaatigaa, taamaattumillu imaassinnaavoq suliaq suli naammassivissorneqanngitsoq.
2013-imi pisup kingorna Tuapannguani inissiarsuarni aneerasaartarfinnik iluarsaassinerit ingerlanneqarsimapput, soorlu aamma Nuummi sumiiffinni assigiinngitsuni inissiani inissiaatileqatigiiffimmit Illuummit sanaartorneqarlutillu pigineqartuni aamma taamaaliortoqartoq.
Aamma atuaruk Sermersooq: Aneerasaartarfiup akunnera sanaartortitsisup akisussaaffigaa
Aamma atuaruk Aneerasaartarfimmit nakkartoqarnera akisussaaffigiumaneqanngilaq
Aamma atuaruk Aneerasaartarfimmit nakkartoqarnera pinngitsoortinneqarsimasinnaagaluarpoq
Nunatta Eqqartuussisuuneqarfia eqqartuussutimini allappoq ingerlatseqatigiiffiit marluusut tullinnguuttunik unioqqutitsisimasutut eqqartuunneqartut: Sanaartornermi malittarisassani 2006-imeersuni imm. 1.12, pilersaarusiorneq aamma nunaminertat atorneqartarnerat pillugit Inatsisartut peqqussutaanni nr. 6, 19. december 1986-imeersumi §27, imm. 3, aamma sanaartornermi malittarisassani 2006-imeersuni imm. 1.12, imm. 2, naapertorlugu. imm. 4.1, imm. 1, imm. 4.2.4, imm. 2 kiisalu imm. 4.3.6.
Ingerlatseqatigiiffiit marluusut pinngitsuunerarput suliamullu atatillugu pinngitsuutinneqarnissaminnik piumasaqaateqarsimallutik.
Taarsiissuteqarnissamut apeqqut pillugu eqqartuussivikkoortumik suliassanngortitsisoqarsimanera politiit aamma ilisimatitsissutigaat.
