Mette Frederiksen Nukappiaqqanut Godhavnimiissimasunut utoqqatserpoq
Nukappiaqqat Danmarkimi meeqqat angerlarsimaffianni Godhavnimi 1950-ikkunnit 1970-ikkut tungaanut najugaqarsimasut, sumiginnarneqarlutillu naapertuilluanngitsuliorfigineqartut Danskit naalakkersuisuinit utoqqatserfigineqarput.
Nukappiaqqat meeqqat angerlarsimaffianni Godhavnimi najugaqarsimasut pisortatigoortumik utoqqatserfigineqarput.
Allat aamma utoqqatserfigineqarsinnaapput, soorlu kalaallit meerartaat 1950-ikkunni pinngitsaalisamik Danmarkiliartinneqartut, Mette Frederiksenip oqalugiarami eqqaavai.
Allattoq Ritzau
aggustip 14-at 2019 06:06
Nutserisoq Jaaku Lyberth
Utoqqatserfigineqartariaqartut allanik ilaqarsinnaapput.
Ministeriuneq Mette Frederiksen Marienborgimi attortisimaqaluni oqalugiarami, taama oqarpoq,
- Danmarkip oqaluttuarisaanerani pisut alianarnerpaat ilaannut matu ammarniarpara.
Qaamanermik tunniussilluni. Naapertuilluinnarnermik kissaateqarpunga Danmarkimilu nutaamik ineriartortoqarluni, Mette Frederiksen oqarpoq.
Innarluutillit sumiginnarneqarsimasut kiisalu kalaallit meerartaat 1950-ikkunni pinngitsaalisamik Danmarkiliartinneqartut Mette Frederiksen oqalugiarami eqqaavai.
