Nukappiaqqanut angerlarsimaffik MATU matussaaq

Nukappiaqqanik sakkortuumik pissusilinnik ulloq unnuarlu angerlarsimaffik Matu – ukiumi nutaami matuneqartussanngorpoq.

Ulloq unnuarlu angerlarsimaffimmi sulisussaqarniarneq ajornartorsiutaasoq angerlarsimaffillu pissutsinut malinnaajunnaarsimasoq, 1997-imi Matumik aallartitsisup maannakkullu pisortaasup Steven Hackesbergip oqaatigaa:

- Siullermik kiffartuussatta pisariaqartitaannik tunniussisinnaasut sulisut amigaatigivagut. Sulisut qulingiluaasussaagaluarluta pingasuuvugut meeqqallu ikiorniakkavut tallimaasussaagaluarlutik marluinnapput. erseqqissavarali meeqqat ikiukkavut ikiorneqarfissartik tamaat sulisunit ikiorneqassapput, Steven Hackesberg oqarpoq.

Steeven Hachesberg aamma isumaqarpoq inuiaqatigiit Matullu akornanni oqaloqatigikkunnaarneq pilersimasoq, tamasssumali kingunerisaa tassaasoq ikiorniakkat inuiaqatigiinnit akuerineqarlutik aqqusinermi angalaaginnartartunngornikuusut.

- Angerlarsimaffimmi sutigut tamatigut ikiuiniarnermik suliarniartuulluni inuiaqatiginnit tapersersorneqarnissaq pisariaqartarpoq tamannalu oqaloqatigiinnikkut anguneqarsinnaavoq. Massakkulli attaveqatigiinnginnatta oqaloqatigiinnerluunniit ajorpugut.

Kinguneraalu nukappissat aqqusinermi angalaannalersimanertik persuttaasarnertillu inuiaqatigiinnit akuerineqartutut isigalugu

ileqquliussiinarnerannik.

Steven Hachesberg aamma isumaqarpoq inuiaqatigiit ileqqorissaarnermik amigaateqarnerata kingunerisaanik ajortut ajunngitsullu inuit akornanni immikkoortikkumaatsinneqalersimagunartut.

- Inuiaqatigiit inuunermik isiginnittaasiata iluani ileqqorissaarnissamik ilinniartitsisoqannginerata kingunerisinnaasarpaa kinguaajusut ajortumik ajunngitsumillu immikkoortitsisinnaajunnaariartornerat amerlanernillu tamanna akuerineqartillugu uagut ikiuiniartut artorsarneruleriartortarpugut. Allaat qanoriliorsinnaajunnaariartortarluta. Naggataatigullu immikkoorluta mattusimallutalu sulinerput ingerlanniarsarisarparput. Taamatullu iliornerup kingunerisaanik meeqqat ikiorniakkavut sakkortusiartuinnavittumik kamassarissisarput, taama oqarpoq Steven Hakeckesberg.

Steven Hachesberg aamma isumaqarpoq

Nuummi persuttaasarneq nunani ineriartorfiusuni illoqarfissuullu New Yorkip immikkoortuani Harlemimi persuttaasarnermut assingusoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat