Nukappiaq 17-inik ukiulik qaqqamiit nakkarluni ajunaarpoq
Nukappiaq 17-inik ukiulik, danskiusoq, Norgimi Jotunheimimi qaqqamiit Tjørnholstindimiit nakkarluni ippassaq ajunaarpoq. Angunnilu tamaanga tuperiartillutik nukappiaq alianaqisumik ajunaarpoq. Ajunaarneq nukappissap angutaata nammineq ippassaq ullup qeqqata kingorna nalunaaqutaq ataatsimut kalerriuppaa. Norgip Radioata nittartagaani nrk.no-mi tamanna atuarneqarsinnaavoq.
aggustip 07-at 2009 07:43
Annaassiniartartut politiinut paasissutissiinerat naapertorlugu nukappissap angutaa erninilu imminnut assiliniartillutik nukappiaq nakkarpoq.
- Ataataq erninilu qaarsumut qaqillutik imminnut assilisaqattaarput. 17-inik ukiulik angutaata assilinialeruttoraa qaarsoq qupimmat nukappiaq 30-40 meterit missaannik nakkakattarpoq, Gudbrandsdalimi pigisaanilu politeeq, Tom-Roar Ellingsberg, oqaluttuarpoq.
Nukappiaq 17-inik ukiulik angutaalu qaqqamit sivingaqisumiit qulimiguuulik atorlugu timmisartuunneqarput, Trondheimimilu napparsimmavimmukaanneqarlutik.
