Nukami sulisut inissaaleqisut
INI neriorsuisimanngisaannarpoq, Nuka A/S Maniitsumut nuuppat inissianik piareersimasuuteqassalluni.
Taama oqarpoq Maniitsumi INI-p immikkoortortaqarfiani pisortaq Hanne Harder.
Nuka-ip Nuummi immikkoortortaqarfiani sulisut Maniitsumut nooqataasut inissamik utaqqisut tallimaapput hotel-imi umiartortullu angerlarsimaffiani maanna najungaqarallarlutik.
Hanne Harder oqarpoq inissiat arfineq marluk KNI-mut neqeroorutigineqarsimangaluartut, taakkunanngalu inissiat pingasut sulisunit akisugineqarlutik piumaneqarsimanngitsut.
Inissiat pingasut pillugit isumaqatigiissut INI-p maannakkut utaqqivaa, taassumalu saniatigut sulisoq ataaseq initaareersoq Hanne Harder oqarpoq.
Nalinginnaavoq suliffimmut atatillugu inissiamik neqeroorfigitinnermi narrusinnaatitaannginneq. Taamaattorli Nuka A/S-mi sulisut illoqarfigisaminnit nuunnertik pissutigalugu, immikkut akuerisaallutik inissamik narrusinnaatitaasut Hanne Harder oqarpoq.
