Nukami sulisut ernumanngillat
januaarip 15-at 2005 12:29
Nuka A/S-imi ataqatigiissaarinermut pisortaq, Robert Møller, oqarpoq siulersuisut amerlanersaat Pilersuisumeersuugaluartut Nukap siunissaa aarleriginagu siornatigut Nuka A/S-imi naammagittaalliorsimasut maanna peereermata nuunnissamullu piareersimasut kiserngorunnikuullutik.
Pilersuisumi pisortap Gerhardt Petersenip, siulittaasutut qinigaasup saniatigut, siulersuisuniilersut Pilersuisumeersut pingasuupput, taakkualu saniatigut Nukami sulisut marluk kingusinnerusukkut siulersuisunut ilaasortatut toqqarneqassapput.
Pilersuisup siulersuisuini ilaasortat Hans Peter Poulsen aamma Ejnar Jakobsen, Nukap siulersuisuinut qinigaaput.
