Nukâka Coster-Waldau unnugu Vild med dansimi peqataassanngitsoq
Nukâka Coster-Waldau unnugu Vild med dansimi peqataassanngilaq.
Illunnaava, Silas Holst, inuussutissarsiutigalugulu qitittartoq alla, Karina Frimodt, aamma peqataassanngillat.
Silas Holstip Karina Frimodtillu coronavirusimik tunillanneqarsimasoq Vild med dansimi peqataanertik saniatigut musicalimi Dirty Dancingimi sulinerminni qanillisimammassuk peqataassanngillat.
AAMMA ATUARUK Vild med dans: Nukâka valsimik qitinnissaminut qilanaartoq
Coronavirusimik tunillanneqarsimasoq marlunngormat qanillisimagaat, tv2.dk allappoq.
Peersitaasoqassanngitsoq
Nukâka Coster-Waldau, Silas Holst aamma Karina Frimodt taassumalu illunnaa isiginnaartitsisartoq, Janus Bakrawi, angerlarsimaannarlutillu coronavirusimut misissortissapput.
Taamaammat Vild med dans pisarnermit allatut aaqqissuunneqarluni unnugu aallakaatinneqassaaq. Illunnaariit allat Illunnaariit allat arfineq-marluk qitissapput, taakkunanngali arlaannaalluunniit peersitaassanngillat.
Naliliisartut iIllunnaariit qitinnerannik naliliissapput, isiginnaartartulli taasisinnaanavianngillat.
- Illunnaariit qulingiluat tamarmik unnugumut piareersapiloornikuupput, illunaariillu marluk peqataasinnaajunnaarnerat sungiusangaatsiareerlutillu qitittussaajunnaarnerat uggornaqaaq, TV2-p aliikkusersuinermut aaqqissuussisua Thomas Strøbech oqarpoq.
