NUIF unammisitsivoq

Nuummi inuusuttut siuarsartut sapaatip akunnerata naanerani inuusuttut namminneq aaqqissugaannik nipilersortartunik unammisitsipput.

Nuummi inuusuttut siuarsartut nipilersornermik unammisitsinerat ingerlanneqarmat, inuusuttuaqqat 14-niit 23-it tungannut ukiullit peqataapput. Inuusuttuaqqat 50-it missaanniittut nipilersorluni unamminermi peqataapput.

Nuummi inuusuttut siuarsartut illuutaat, ukiaq septemberip 31-ani ammarnersiorneqarpoq.

Eigil Petersen, nipilersortut unammeranni naliliisutut inissisimasoq oqalattuarpoq, inuusuttut nipilersoriaasii alutornartuusut, ajugaasutullu toqqarneqartut, taaguuteqartut Invitro fertilization ajugaapput.

Sume-kunni nipilersoqataasartoq tusarnaarianut ilaasoq Per Berthelsen oqaloqatigaarput.

- Nipilersortartuaqqat guitarimik ataasiakkaarisarnerat alutornaqaaq, uagullu nalitsinneersut taamatut guitarersinnaaneq takorloorsinnaasimanngilarpulluunniit, nipilersortartut pikkoreqaat,

nipilersoqatigiinni SUME-kkunni guitarertartutut ilaasartoq Per Berthelsen taama oqarpoq.

Ulluni kingullerni marlunni unamminerit ingerlanneqarmata, ualikkut marluniit aallartinneqartarput, isiginnaariallu katillugit 600-t missaanniissimapput.

Ualeq manna ajugaasut 2000 koruuninik akissarsitinneqarput.