Nuannaarutissaqarpoq

Silaannaap pissusaa pillugu oqallinnermut atatillugu Danmark-imi Avatangiisit pillugit Misissueqqissaartar-fiup nutaarsiassat nuannaarutigineqarsinnaasut saqqummiuppaat. Nunani issittuni nuna qeriuaannartoq aakkaluarpat, tamatuma kingunerissanngilaa silaannaap kissaata aniffissaarunneranik pissuteqartumik nunarsuup kissakkaluttuinnarnissaa.

Qeriuaannartup masarsua issuatsiartalik, orsuaasat, ujaqqat qalipai kiisalu orpigaaqqat alliartortillugit soorlu nunani issituni orpiit tamakkua silaannarsuatsinnut iluaqutaajartortillugit kulstof-inik ilimagisamiit tigooqqaasinnaanerat annerulisssaaq.

Danmark-imi Avatangiisit pillugit Misissueqqissaartar-fiup Issittumi Avatangiisinut immikkoortortaqarfiani misissuinerminni inerniliinerat taamaappoq.

Umimmaat amerliartornerat angalaartuarnerallu, aammalu nerillutillu annakaajuarnerisa naasoqassuseq uummarsartuarpaat CO2-llu oqimaaqatigiinnera pitsaaqutilimmik sunniivigisarlugu. Taama Ritzau allappoq.

DMU-mi maannakkut pilersaarutigineqarpoq misissueqqissaarnissaq.