Sara Olsvig suliffittaaminut: Nuannaarutigalugu pissanngatigaara

UNICEF ikiuigasuarnissaq piffissamullu ungasinnerusumut isigisumik attanneqarsinnaasumik ikiuinermi siuttuuvoq. Suliniutigisartakkaminulli tamanut piumassutsimik tapiissutitigut aningaasalersugaavoq.

Sara Olsvigip UNICEF-ip nunatsinni allaffittaavani siuttuulernissani qilanaaraa.

 - Kalaallit Nunaanni allaffittaarnermi aamma peqqutaaqataavoq allanik aamma suliaqarusulersimagamik UNICEF-kkormiut, taamaalillutalu allanik aamma suleqatissarsiorsinnaanngorluta maani allaffeqalernikkut. Taannalu suliaq siuttuuffigissavara aamma qilanaarisorujussuuara, Sara Olsvig oqarpoq.

UNICEF Kalaallit Nunaanni suliaqareerpoq, Namminersorlutik Oqartussallu NAKUUSA suleqatigiissutigigamikku.

AAMMA ATUARUK Sara Olsvigip Unicefip Nuummi allaffittaava siuttuuffigissagaa

Sara Olsvigillu suliassani ilisimalluarpai, tassami siornatigut inuit pisinnaatitaaffii pillugit suliaqareerpoq maannalu nuannaarluni atorfini ima oqaluttuaraa:

 -Tassa pissangagivara aamma nuannaarutigaara, politikerinngunnginninni inuit pisinnaatitaaffii annertuumik suliaqarfiginikuugakkit. Taamaammat taakkua uterfigilaassallugit aammalu inuit pisinnaatitaaffii meeqqallu pisinnaatitaaffii uterfigeqqissallugit assut qilanaaraara, Sara Olsvig oqarpoq.

Allaffik ataasinngormat februaarip ulluisa 18-anni ammarneqarpoq.