Nuannaartorisat akisussaaqataajumapput
Assammik arsarnermi BankNordik GM Ilulissat timersortarfianni pisortatigoortumik marlunngornermi ualikkut ammaanersiorneqarpoq. Pissartanngorniunnerni peqataasut meeqqanut inuusuttunullu nuannaartorisaanerminni aamma takutitsilluarusupput. Ilaatigut isumaqatigiiissutigineqarpoq pujortarneq saqqumisumi pissanngitsoq.
- Maaniippugut nuannaartorisatut. Taamaattumik siunnersuutigerusupparput arsartut, aqutsisut dommerillu pujortarusussagunik timersortarfik nigorlugu pujortariartortassasut, GSSip arnartaasa sungiusaasuat Johannes Groth ammaanersiornissaq sioqqullugu ilisimatitsiseqatigiilluni ataatsimiinnermi siunnersuuteqarpoq.
Klubbit peqataasut tamarmik aamma Assammik Arsartartut Kattuffiata siunnersuut tusaatissatut tiguaat arsartunullu ingerlateqqinniarlugu.
Assammik arsartartut kattuffiat GHF, Timersoqatigiit kattuffiat GIF, Qaasuitsup Kommunia aamma aaqissuisut Nagdlúnguameersut kaammattuutigaat timersortartorpalaartumik takutitsisoqassasoq.
- Maani timersortarfimmi isiginnaartorpassuaqarpoq aammalu amerlasut tv-mi malinnaapput. Taamaattumik tamanut kaammattuutigerusuppara timersortartorpalaartumik takutitsisoqassasoq, GHF-ip siulittaasua Boas Møller oqarpoq.
