Kalaallini siullersaalluni U-16 mi toqqagaasoq Nuannaaqaanga tulluusimaarnaqaarlu
TV-qarfik TV2 Sport taama allaaserisaqarpoq.
Aggustip ulluisa 27-anni 28-annilu Asii Kleist Berthelsen danskit nunanut allanut unammisartuini U16-mi toqagaaqatinilu naapissapput.
Nunanut allanut unammisartunut U16-mut Asii Kleist Berthelsenip toqqagaanini nuannaarutigaa:
- Nuannaqaanga tulluusimaarnaqaarlu toqqagaanikuulluni amerlasoorpassuit arnat arsaattartut Danmarkimi qaangerlugit toqqagaagama, Asii Kleist Berthelsen KNR-imut taama oqarpoq.
- Maannakkut aalajangiisuusorujussuuvoq klubberisanni Fortuna Hjørringemi sungiusarluartarsimanersunga unammilluartarsimanerlungalu, nunanut allanut unammisartunut U16-imi ilaaginnarsinnaanissannut, Asii Kleist Berthelsen oqarpoq.
15-nik ukiulik U16-mi sungiusaasumit Frank Johnsenmimit nersualaarneqartupilussuuvoq.
- Pisinnaasai qaffasingaarmata periarfissinneqartariaqarluni, sungiusaasoq Frank Johnsen tveqarfimmi TV2 Sportimi apersorneqarluni taama oqarpoq. Timimigut nukitttunera pingaaruteqarpoq. Sakkortoorujussuarmillu isimmeriaaseqarpoq.
Sofa isimmissinnaavaa rundetårn qulaallugu, isertitseriarnissaminullu piumassuseqartorujussuulluni, nunanut unammisartut U16-it sungiusaasuat Frank Johnsen Asii Kleist Berthelsen pillugu TV2 sportenimut taama oqarpoq.