Nualluummut A-mut akiuussutissamik nunatsinni peqalissaaq

Nualluut A-mut, puulukit nualluutaannik taaguuteqartinneqartumut, akiuussutissaq qanittumi Kalaallit Nunaani atulissaaq, akiuussutissarli siulleq novemberip aallaqaataata missaani atulissasoq aviisi sermitsiaq nittartakkamini taamatut allaaserisaqarpoq.
Allattoq Jaaku Lyberth
oktobarip 02-at 2009 07:26

Kalaallit Nunaanni peqqinnissamik nakkutilliisoq Flemming Stenz nualluummut A-mut akiuussutissanik, inunnut 16.000-inik naammattunik inniminniisimavoq. Kikkut tamarmik nualluutip A-p takkuteqqinnissaa utaqqivaat, qularnanngitsumillu Kalaallit Nunaat nappaammik toqussutaasartumik eqqorneqanngitsoornavianngilaq, peqqinnissamik nakkutilliisoq Flemming Stenz oqarpoq.

- Sooq Kalaallit Nunaannut anngutissanngila, nunat eqqatsinniittut eqqugaareersut pingaartumik Danmark qanimut attaveqarfigisarput, peqqinnissamik nakkutilliisoq Flemming Stenz Sermitsiamut oqarpoq.

Nualluummut A-mut akiuussutissamik kapisinissaq pilersaarusiuleruttorpaa, maannangaarlu oqaatigisinnaavaa Danmarkimi peqqinnissamik aqutsisoqarfiup sundhedsstyrelip aallartissimasaanit pilersaarummit allaaneruvallaassanngitsoq. Danmakimi inuit 1,1 millionit akiuussutissamik kapineqarnissaminnut neqeroorfigineqarput. Tunillanneqarnissamik ulorianartorsiortut, politiit, peqqinnissaqarfimmi sulisut kiisalu DR-imi TV-2milu sulisut akiuussutissamik neqeroorfigineqarput, aviisi sermitsiaq taamatut allaaserisaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq