Peqqinnissaqarfiup 65-ileereersimasut tamaasa salliutissavai.

Nualluummut akiuussutissat tikittut: Covid-19 nualluullu ataatsikkut atorlugit navianarsinnaasoq

Peqqinnissaqarfiup nualluummut akiussutissamik kapitinnissaq inunnut pisarnermit amerlanerusunut Covid-19-ip nunarsuaq tamakkerlugu tuniluunnerani neqeroorutigissavaa.

- Nuallunneq inuppassuarnut Covid-19-imik tunillatsikkunik perululersinnaasunut navianarnerusarpoq.

Namminersorlutik Oqartussat tusagassiutinut taama nalunaarput.

Taamaammat nualluummut akiuussutissat 4.500-t inunnut pisarnermit amerlanerusunut neqeroorutigineqartussat Peqqinnissaqarfimmut tikeqqammerput.

Nualluummut akiuussutissat taakku nunatta immikkoortuinut tamanut nassiunneqassapput.

- Akiuussutissiinerit sumi qaqugulu pissanersut illoqarfinni, najukkani aviisitigut aamma inoqatinut attaveqaatitigut allagarsiinikkut ilisimatitsissutigineqassapput. Nunaqarfinni annerusuni innuttaasut sulisullu najukkaminni kapitinnissamut nunaqarfinnilu minnerni innuttaasut illoqarfimmiinnerminni kapitinnissamut neqeroorfigineqassapput, Namminersorlutik Oqartussat allapput.

Peqqinnissaqarfiup 65-ileereersimasut tamaasa salliutissavai.

Akiuussutissamillu kapitinnissamik neqeroorfigineqartussatut salliussat ima tulleriiaarneqarput:

Anigorsinnaanngisamik nappaatillit pineqartut ukuupput:

  • Anigorsinnaanngisamik puakkut nappaatillit
  • Uummalluttut uummatillu taqaatigut nappaatillit (aap naqitsineranik qaffasittoortut minillugit)
  • Diabetes 1-imik 2-milluunniit nappaateqarlutik sukkortut
  • Inunnguuserisamik nappaatigilersimasamilluunniit akiuussutissakittut
  • Nukeerukkiartorneq peqqutigalugu anerniluttartut
  • Anigorsinnaanngisamik tingulluttut tartuluttullu
  • Anigorsinnaanngisamik allamik nappaatillit, nuallunnerminni perululersinnaasut

1. 65-ileereersimasut tamarmik.

2. 65-it inorlugit ukiullit anigorsinnaanngisamik nappaatillit.

3. Pualavallaarujussuartut (BMI > 40 aallaavigalugu).

4. Qaammatit pingasut sinnerlugit naartusut.

5. Peqqinnissaqarfimmi sulisut inunnik tunillatsinnissamik aarlerinaateqarnerusunik atassuteqartartut.

6. Kommunini sulisut inunnik tunillatsinnissamik aarlerinaateqarnerusunik atassuteqartartut (utoqqaat illuanni sulisut, angerlarsimaffinni ikiortit).

7. Sullivinni immikkut toqqakkani sulisut (sulisitsisuisa akiligaannik).

8. Inuinnaat (namminneq akiligaannik).

Namminersorlutik Oqartussat inuit salliussassat akornanniittut akiuussutissamik kapitinnissaannik kaammattorpaat.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat