VIDEO Kunngikkormiut Facebookikkut Instragramikkullu malinnaavigisinnaanngorpatit
Kunngikkormiut internetikkut attaveqaqatigiittarfikkut siullerpaamik ilaalersimapput, kunngikkormiummi Facebookimi Instagramimilu maanna alakkarterneqarsinnaanngorput.
Kunngikkormiut taamaasillutik malinnaavigineqarsinnaalissapput, kunngikkormiullu pisussanut piareersarnerat aamma malinnaavigineqarsinnaanngorluni. Kunngikkormiut oqaluttuarisaanerat, taakkualu pillugit katersugaatit aamma takuniarneqarsinnaanngorput.
Facebookikkut Instagramikkullu quppernerit allaaserisanik, assilisanik videolianillu nutaanik ilaartorneqartuassasut, kunngikkormiut tusagassiisarfiata neriorsuutigaa.
Kunngikkormiut Facebookimi Instagramimilu qupperneqalernerisa saniatigut nittartagaat Kongehuset.dk aamma soorunami iserfigineqarsinnaassaaq, soorlu aamma kunngikkormiut pillugit videoliat Youtube-ikkut aamma takuneqarsinnaassasut "Det danske kongehus".
- Kunngikkormiut qallunaat nuannarisaannut aamma peqataarusupput. Matumanilu Facebook Instagramilu atorluarneqarsinnaasut isumaqarpugut, Hofmarskal Michael Ehrenreich oqarpoq.
Kunngissap Frederiup Facebookimut Instragramimullu ikkutassaminik dronning Margrethe assilivaa. Assi: Kongehuset
