NSP-meersoq ujakkaarluni DM-ertoqarnerani ajugaasoq
Ujakkaarluni Danmarkimi pissartanngorniunnerit Norgemi sisorartarfimmi Kvitåvatnimi sapaatit-akunnerata naanerani aallartinneqarput.
AAMMA ATUARUK Ujakkaartartoq isumalluarfigisaq ajugaavissorami kuultinnappoq
Bjarne Herbert Hansen Nuummi NSP-meersoq, pissartanngorniunnerni unamminerit siullersaanni, unammeriaatsimi knock-out sprintimi, normu 1-nngorpoq.
Normu 2-nngortoq tassaavoq Rold Skov Skiklubbermiut unammisartutoqaat Mikael Jacobsen. Taanna normu 3-nngortoq Kristian Bonne Wolff Odense Skiklubimeersoq qimakattangaatsiarlugu apuuppoq.
Danmarkimi sisorartartut kattuffiat Danmarks Skiforbund tusagassiorfinnut nalunaaruteqarluni taama allappoq.
Bjarne Herbert Hansen Nuummi NSP-meersoq, inuusuttut akornanni piginnaanilittut aningaasaateqarfimmit Peter Wulff’s Mindefondimit siorna nersornaatisivoq.
AAMMA ATUARUK Sisorartartoq inuusuttoq akissarsitinneqartoq
Ujakkaarluni Danmarkimi pissartanngorniunnerit arfininngorpat februaarip arfineq-aappaata tunganut ingerlanneqassapput.
Bjarne Herbert Hansen, unammisani qimakattangaatsiarlugit apuukkiartortoq. Assiliisoq: Bent Hjarbo
