Parisimi oqaluffissaarsuup Notre Damep apriilip ulluisa 15-anni ikuallarujussuarnera Frankrigimi Filmilioqatigiiffiup Pathép tuluit tv-qarfii Moonriver Vendome Groupilu suleqatigalugit tv-kkut nangeqattaartunngorlugu isiginnaagassiarisussanngorpaa.Assi: Olivier Mabelly/Flickr Creative Commons

Notre Damep ikuallarujussuarnera nangeqattaartuliarineqalertoq

Filmilioqatigiiffiup Notre Dame apriilimi ikuallarujussuarmat New York Timesimit immiussarpassuit pisiarai.

Frankrigimi illoqarfiit pingaarnersaanni Parisimi oqaluffissaarsuup Notre Damep upernaaq ikuallarujussuarnera tv-kkut nangeqattaartuliarineqartussanngorpoq.

Amerikami tusagassiorfik Variety taama allaaserisaqarpoq.

Parisimi oqaluffissaarsuup Notre Damep apriilip ulluisa 15-anni ikuallarujussuarnera Frankrigimi Filmilioqatigiiffiup Pathép tuluit tv-qarfii Moonriver Vendome Groupilu suleqatigalugit tv-kkut nangeqattaartunngorlugu isiginnaagassiarisussanngorpaa.

New York Times oqaluffissuup ikuallanneranit immiussarpassuaqarpoq, tv-kkullu nangeqattaartuliortussat immiussarpassuit pisiarinerisigut taakkuninnga piginnittuutitaanngorput.

New York Timesip oqaluffissaarsuaq tusaamasaq ikuallalermat qatserisartut politiillu oqaluffissaarsuaq annaanniarlugu qamisaasut qanimut immiuppai.

Nangeqattaartuliassaq oqaluffissaarsuup ikuallannera pillugu kallerriisoqaqqaarnerata kingorna pisut najoqqutaralugit isiginnaagassiarineqassaaq.

Vendome Groupip Pathéllu ukiuni pingasuni suleqatigiillutik nutaamik isiginnaagassialiornermut isumaqatigiissusioqatigiinnermikkut tv-kkut nangeqattaartuliassaat suli atserneqanngilaq.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat