Notre-Damep ikuallannera pissutigalugu aqerlumik mingutsitsisoqartoq

Parisimi oqaluffissaarsuup Notre Damep, ukiunik 850-inik pisoqaatigisup, ikuallannera pissutaalluni Parisip qiterpasissua aqerlumit maanna mingutsinneqarpoq.

Oqaluffissaarsuup qalia aqerlumik saattukujuumik qisummik sinilersorneqarsimasumik qaliaqarpoq. Oqaluffissaarsuarlu ikuallammat aqerlumik Parisip qiterpasissuani mingutsitsineq qummut killigititamik 32-riaammik 65-riaammillu mingutsitsisoqarluni.

Silaannaap aqerlumit mingutsinneqarnerata annertussusaa Parisimi politiinit mianersoqqussutigineqarpoq, peqqissutsimut ernumanartoq oqaatigineqarluni.

Aqerlumit pujoralak ernumanarnerpaajusoq politiit ilisimatitsissutigaat, pujoralammi illunut pisiniarfinnullu qanittumiittunut pisinnaavoq.

Oqaluffissaarsuup qaliata ilaatigut aqerluusup apriillip ulluisa 15-ianni ikuallattoqarnerani aappoq, qalialu nakkaammat aqerlumit pujoralak siaruaalluni.

Illut oqaluffissaarsuarmut qanittumiittut salilluarneqarnissaat kaammattuutigineqarpoq, meeqqallu arnallu naartusut assatik akulikitsumik asattassavaat. Pinngussat aamma akulikitsumik asanneqartassapput, arnallu naartusut mianersortassallutik.

Oqaluffissaarsuup iluarsaanneqarlunilu salinneqarnisssaanut atatillugu ukiualunni matoqqatinneqarnissaa naatsorsuutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat