Qingaat-ni tuttut Canadami amerlanerpaanut ilaanikuugaluarput. 1980´ikkut qeqqanni tuttut 450.000-it missaanniipput. Massakkut 8.000-it sinnilaaginnarpaatAssi: Bart/Flickr Creative Commons

Northwest Territoriesip naalakkersuisuisa tuttut annaanniaraat

Canadami tuttorpassuit ingerlaaqatigiit tuttoqarnersaasa ilaanni tuttut kingunipiloqarsinnaasumik ukiuni kingullerni ikileriarput. Kingusinaartinnagu Northwest Territoriesimi naalakkersuisut tuttut nungutaannginnissaat pillugu nutaamik pilersaarusiorput.

Qingaat-ni tuttut Canadami amerlanerpaanut ilaanikuugaluarput. 1980´ikkut qeqqanni tuttut 450.000-it missaanniipput. Massakkut 8.000-it sinnilaaginnarpaat tassa 90%-ingajammik ikileriarsimallutik.

Uumasut taakku nungutaannginnissaannut qanoq iliortoqarsinnaanersoq qanorlu iliortoqassanersoq sivisuumik oqallisaasimavoq. Ukiuni untrilikkaarpassuarni tuttut Northwest Territoriesimit kilometerit tuusintilikkaat Nunavut-mi Qingaat-nut piaqqiartorlutik upernaakkut ingerlaartarpat.

Ikileriarnerinut piniarneq peqqutaanngilaq.. allanilli inuuneranni avatangiisaasa akornusersorneqarnerannut tunngasunik peqquteqarpoq, soorlu ilaatigut aatsitassarsiornerit, pinngortitap ikuallannera.

Suleqatigiit assigiinngitsut arlallit nutaamik pilersarusiortuupput, the Bathurst Caribou Range Plan-imik taaneqartumik. Tassapput naggueqativut Inuit, eqqillit, Métis-it aamma naalakkersuisunit arlalinnit suliffissuaqarfeqarfimmillu sinniisuutitaasut.

Pilersaarummi nunat ilaat ajoquserneqarnissaminnut ulorianartorsiortinneqartut aamma nunat ilaat nutaanik aatsitassarsiorfiusussat aqquserniorfiusussallu illersorneqarnissaat siunertarineqarpoq.

Tuttut piaqqiorfii immikkut ittumik illersorneqasssapput.

Eqqillit naggueqativullu Inuit tuttut pillugit qangarsuaaniit ilisimasaqarluartuusut pielrsaarutip ingerlannerani pingaarutilimmik inissisimassapput.

Kisianni pilersaarut isornartorsiorneqalereerpoq, isornartorsiuinermullu tunngavigineqarput taama kingusitsigisumik saqqummiunneqarmat aamma erseqqissuunngimmat, tassa tuttut nungutaannginnissaannut piviusunik erseqqissunik innersuussuteqanngimmat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat