Northwest Territories-imi tuttut ikiliartupiloorput
Canadami Northwest Territories-imi tuttut ikiliartupiloorput.
Kisitsinerit kingulliit takutippaat ukiuni kingullerni 20-ni aatsaat taama ikilisimatigisut, pingajoraterutaannanngorsimagamik. Tv-eeqarfik CBC North taama allappoq.
Illoqarfiup Yellowknife-p Bathurstillu kangerluata akornanni tuttut 1986-imi 472.000-iusimariarlutik ullumikkut 128.000-iinnanngorsimapput.
Tamaani ukiuni kingullerni diamantisiorfippassuaqalersimammat aqqusinniortoqarsimaqaaq.
Northwest Territories-imi tuttut amerlassusaat ataatsimut isigalugu ikiliartupiloorsimapput.
Biologip Bruno Croftip suleqatinilu kisitsisimapput, tapertaralugulu oqartoqarpoq kisitsisit aatsaat taama eqqorluartigisut saqqummersinneqarsimasut.