Canadap immikkoortuani North West Territories-imi nunaqarfinni atuartut, illoqarfinni atuartunit angusarlunnerusarput, TV-qarfik CBC nittartakkamini allaaserisaqarpoq.
Tunngaviusumik atuarfimmi kisitsinermi tuluillu oqaasiinik misilitsinnerni illoqarfinni atuartut misilitsikkaangamik tamangajammik angusisarput, nunaqarfinnili atuartut pingasuugaangata, ataaseq kisimi angusisarpoq.
North West Territories-imi atuartut angusarluttarnerat ilinniartitaanermut ministerip eqqumaffigalugulu nakkutiginerujumavaa.
Canadami 1960-kkunni atuartut 50 procentiinnaat soraarummeernerni angusaqartarsimapput ukiunilu makkunani 70 procentit angusarissaarlutik soraarummeertartut, CBC allaaserinnippoq.